خلينا أصحاب
شايفاك إنسان طيب حساس
راجل ورقيق
تنفع كصديق
لكن ك حبيب
عمري مافكرت
والله ياواد لا هاجيبهالك
عايزين نفرح بقى بعيالك
وبحبك جدا صدقني وجوايا حاجات
بس إحنا أخوات
سكتت وسكت
مشيت ووقفت
وكان الدنيا بتتحول أسود بهتان
لون أنا مش عارفة لحد الآن
وكان فيه خيط مزيكا حَزِينٌ
هَل حبيتها؟
أم آن الأمر بحاله سراب
قولتلها أنا رافض نبقى أصحاب
ياتكوني معايا يا ماتكونيليش
سكتت لحظة
علشان كآنت هي ملاحظة
إن أنا مكسور وبهددها
مدت ايدها
مسكت ايدي
وتقلي خلاص فك ياسيدي
عزماك على قهوة ماتكسفنيش
كآنت عارفة آن الموقف صعب
والصعب حبيبتك تتعاطف علشان تواسيك
فأخدت قرار إني انساها
مِنْ يَوْمِهَا وَأَنَا بِدُونِهَا معاها
براقبها بِعَيْن عِيل مَحْرُومٌ
وباقول ماطلبش واكلمها
وافكر هِي بِتَعْرِف مَيْن
ضحكتها لمين
وباموت لَوْ كَانَتْ بصّالُه
أَصْبَح لا ننفع متصاحبين
ولا عدنا صحاب
وبقينا برغم اللي مابيننا
اتنين أغرآب
90 ٪ من الاشخاص المكتئبين
بيحسوا حنين لقلوب بتحن لناس غيرهم
الواحد ضيع وقت كبير
مع ناس مش شاغل تفكيرهم
هذا التفكير الغير صحي
هو المتسبب في القهوة
في عمر خيرت
وترى جبران
وصداع القاولون العصبي
تضييع 16 ساعة في شات
وخروجك منك آخر الليل
هاتروح لطبيب هايبص عليك
وهايكتبلك أدوية للنوم ومهدئ
ويسيبك تمشي
وهاتفضل برضه مابتنامش
وهايفضل جسمك بيعاندك
كل الموضوع إنك عندك
متلازمة حب اللي ماحبكش
أنت ماعندكش سبب عضوي
يمنع عينك تقفل لساعات
السبب الأصلي في عدم النوم
إنهآ شايفاكوا اتنين أخوات
بالنسبالها
هي بتعشق في اللي قَتَلَهَا
وَاللَّيّ ماقدَّرش وَدَخَلَهَا
فِي مِسَاحَةِ كَبِيرَةً مِنْ الْإِهْمَالِ
بتحب جُنُونِه وعصبيته
وَتُحِبّ تشوفه بيجرحها
وَتُحِبّ أَنَّه مابيكلمها
مَعَ أَنَّهُ مكَلِّم نَاسٌ تانيين
بتحب عَدَم غَيَّرَتْه عَلَيْهَا
بتحب قساوته وَهِي تَلِين
بالنسبالها. . . عمرك ماهاتبقي اللي في بالها
ف أفهم ياحزين
وأعرف دستور البنى ادمين
عمرك بيضيع
والوضع وضيع
والعالم أجمل من غيرها
عمرك ماهاتيجي ف تفكيرها
مع أنك شاغل ناس تانيين
وحاططهم في الدائرة اياها
خلينا صحاب
داين تتدان
ومافيش مجروح مابقاش جارح
كله بيبحث عن آلمه الخاص
وكان العشق بدون راحة
كَان الشَّوْق لَازِمَةٌ جِرَاحَةٌ
علشان مايروحش لِنَاس ببلاش
أعتبره مجاش
وَنَصِيحَة ياريت لَو كنتوا أَصْحَاب
خليكوا أصحاب
علشان لو قولت على مشاعرك
هاتكون بتضحي بصداقتها
وآن فعلا فعلا حبيتها
استنى عنيها تقول قبلك
و استنى الشوق فيها يقابلك
وساعتها يجوز تمحي المسافات
فيمآ عدا ذلك
ف أنت هاتسمع
أنا آه حباك
بس إحنا أخوات
Comments
Post a Comment